بتقولي انساك .. - لا أحاول أن أدعى التميز . ولكن .. أسعى للوصول اليه

بتقولي انساك ..

عشان انساك ..

انا لازم ابعد عن قلبي ..

عن روحي ..

عن اي حاجه بتقول فاكراك

بتقولي انساك ..

ازاي انساك ..

ده انا كل مكان وياك روحته
لسه بروحه .. يمكن الاقيك وانا بستناك

انا لازم انسى اني قابلتك .. اني بحبك
اني مفيش حاجه تنسيني الي انا عشته معاك
انا لازم اكون واحد غيري
وانا مش غيري ..

انا اسمي حبيبك مش حنساك

ليه رحت بعيد ..

وسايبني وحيد
ده انا من غيرك قلبي خاصمني
نفسه يسيبني ..

استغرب حضني وانا مش وياك
ده انا روحي تروح .. لو مني تروح
وحياتك متقوليش انسى
انا مش حنسى ..

انا حنسى حبيبي .. ان انا انساك

انا عمري ما حنسى اني قابلتك .. اني بحبك
يعني مفيش حاجه تنسيني الي انا عشته معاك
عمري ما اكون واحد غيري .. انا مش غيري
انا اسمي حبيبك مش حنساك

كلمات الشاعر : هانى عبد الكريم

غناء المطرب الكبير : وائل جسار

اتمنى ان تنال اعجابكم